Opsomming

Wat beteken die Witkruisprojek, en waarom gaan Lex Libertas 3 000 wit kruise op die National Mall in Washington, D.C. oprig? Hierdie internasionale veldtog het reeds wêreldwyd aandag getrek en vorm deel van 'n breër poging om die werklikhede van geweld, diskriminasie en staatsverval onder die aandag van internasionale besluitnemers te bring.

Biografie van Dr. Ernst Roets

Dr. Ernst Roets is 'n Afrikaner-aktivis, skrywer en filmmaker. Hy dien as uitvoerende direkteur van Lex Libertas, 'n organisasie wat 'n meer volhoubare politieke bedeling wil bevorder deur desentralisering, selfbestuur en die versterking van burgerlike vryhede.

Kan 'n gemeenskap sy vryheid behou as dit sy taal, kultuur en identiteit verloor? In hierdie paneelgesprek ondersoek dr. Ernst Roets saam met Johan Vorster en Steve Hofmeyr die verhouding tussen kultuur en selfbeskikking. Die gesprek fokus op die manier waarop musiek, kuns, taal en gedeelde waardes gemeenskappe versterk en bydra tot veerkragtigheid.

Ware rentmeesterskap gaan oor meer as liefdadigheid. Dit vra hoe ons mense kan bemagtig om verantwoordelikheid te neem, selfstandig te word en met waardigheid vir hulself en ander te sorg. Die paneel bespreek die verskil tussen afhanklikheid en bemagtiging en hoe praktiese hulp mense kan toerus om hul potensiaal te verwesenlik.

Suid-Afrika bevind hom op 'n keerpunt. Politieke verskuiwings, ekonomiese druk, veranderende wetgewing en toenemende gemeenskapsinisiatiewe skep nuwe uitdagings, maar ook nuwe geleenthede. Connie Mulder en Pieter Jordaan bespreek die belangrikste nasionale tendense, moontlike scenario's en die praktiese implikasies daarvan vir die jare wat voorlê.

Die uitbreking van bek-en-klouseer het produsente, die rooivleisbedryf en die breër ekonomie duur te staan gekom. Regstappe deur die VLU, SAAI en Sakeliga het die debat verder verskerp. Nou, met 'n nuwe minister van Landbou aan die stuur, is dit tyd om terug te kyk én vorentoe te beplan. Wat het die krisis ons geleer en hoe skep ons 'n omgewing waarin boere hul ondernemings met groter sekerheid en minder staatsinmenging kan bestuur?

Is daar weer plek vir behoudende, waardegedrewe beginsels wat verantwoordelikheid, familie, geloof, kultuur en gemeenskap hoog ag? Izak du Plessis lei 'n gesprek oor die rol wat hierdie waardes in die samelewing van vandag én môre kan speel.

NEASA en Sakeliga het dringende hofstukke ingedien om die implementering van nuwe werkgelykheidsregulasies te stuit. Waar staan die hofsaak nou en wat kan besighede in die maande wat voorlê verwag?

TLU SA voer reeds geruime tyd veldtog dat private sekuriteitsuitgawes belastingaftrekbaar gemaak moet word. Bennie van Zyl en Johannes Stoker bespreek die moontlikhede en die pad vorentoe.

Wat gebeur wanneer mense voel sekere standpunte kry nie meer ruimte in die hoofstroommedia nie? Gareth Cliff en James Kemp gesels oor die veranderende medialandskap en die rol van onafhanklike platforms in die openbare gesprek.

Die mislukking van e-tol het gewys dat volgehoue weerstand openbare beleid kan beïnvloed. Kan dieselfde uiteindelik met belasting gebeur? Dr. Ernst Roets gesels met ekonoom Dawie Roodt oor belasting, ekonomiese druk en die moontlike pad vorentoe.

Swak dienslewering, vervalle infrastruktuur en finansiële druk op die metro raak inwoners en ondernemings daagliks. Hoe behoort die verantwoordelikhede tussen die metro, gemeenskappe en die privaat sektor verdeel te word?

Biografie van Fergus Ferguson

Entrepreneur, besigheidsafrigter en voorsitter van die Pretoria Sakekamer. Werk saam met sake-eienaars om hul ondernemings meer winsgewend, doeltreffend en skaalbaar te maak met die oog op langtermynwaarde en generasiewelvaart.

Geen veiligheidsplan berus op net een oplossing nie. Doeltreffende beveiliging bestaan uit verskillende lae wat mekaar aanvul: goeie gewoontes, fisiese sekuriteit, tegnologie, privaat sekuriteit, verantwoordelike vuurwapeneienaarskap en betrokkenheid by die gemeenskap. Hoe stel 'n mens 'n praktiese veiligheidsplan saam? Waar begin 'n gesin? En hoe bou aktiewe gemeenskappe veiliger woonbuurte?

Vir drie dae funksioneer KragDag soos 'n klein dorp. Rural Maintenance het 'n meet- en moniteringstelsel geïmplementeer wat deurlopend die elektrisiteitsverbruik op die ekspo monitor. Hierdie installasie is 'n praktiese voorbeeld van dieselfde beginsels wat Rural Maintenance ook in plaaslike gemeenskappe toepas. Hoe kan gemeenskappe en die privaat sektor saamwerk om plaaslike infrastruktuur te verbeter en gemeenskappe meer staatsbestand te maak?

Berei ons ons kinders werklik voor vir die uitdagings wat op hulle wag? Kweek ons mense wat verantwoordelikheid aanvaar, selfstandig kan dink en probleme oplos?

Die slotaanbieding van KragDag 2026 bied 'n praktiese gids vir staatsbestandheid — hoe gesinne, gemeenskappe en ondernemings hulself kan toerus om minder afhanklik van die staat te wees.